युट्युबर ध्रुव राठी सध्या हिंदुस्थानात असून हुकूमशाही सरकारविरोधात लढा देत आहेत. यापूर्वी ज्ञानेश कुमार यांच्या राजीनाम्यासाठी सीजेपीच्या आंदोलनात सहभागी होणार होते. मात्र, त्यापूर्वीच त्यांना पोलिसांनी ताब्यात घेतले आणि 24 तासांनंतर त्यांची सुटका करण्यात आली. यानंतर आता ध्रुव राठी यांच्याविरोधात दिल्लीच्या साकेत न्यायालयाने 2012 च्या मानहानी प्रकरणात नवीन समन्स जारी केले आहेत. या प्रकरणामुळे अडचणीत पुन्हा वाढ होण्याची शक्यता आहे.
इंडियाटुडेने दिलेल्या वृत्तानुसार, भाजपच्या आयटी सेलचे सदस्य विकास पांडे यांनी 2011-18 मधील एका युट्यूब व्हिडिओवरून हा खटला दाखल केला होता. ऑस्ट्रियात राहत असलेल्या राठी यांना 2011 पासून समन्स बजावण्याचे प्रयत्न सुरू होते. मात्र, ते परदेशात राहत असल्याने यामध्ये अडथळे येत होते.
न्यायदंडाधिकारी राहुल जैन यांनी 12 ऑक्टोबर रोजी हा आदेश दिला आहे. यावर विकास पांडे यांच्या वकिलांनी युक्तिवाद केला की, राठी सध्या ‘कॉक्रोच जनता पार्टी’च्या (CJP) आंदोलनासाठी हिंदुस्थानात आले आहेत. त्यानंतर न्यायालयाने हरयाणामधील गुरुग्राम येथील राहत्या पत्त्यावर समन्स बजावण्यात आले आहेत. या प्रकरणाची पुढील सुनावणी 17 ऑक्टोबर रोजी होणार आहे.
या जुन्या खटल्याव्यतिरिक्त ध्रुव राठी यांच्यामागे इतरही कायदेशीर अडचणी वाढल्या आहेत. भाजप नेते सुरेश करमशी नखुआ यांनी राठी यांच्यावर 20 लाख रुपयांचा मानहानीचा दावा ठोकला असून, जुलै 2024 मध्ये एका व्हिडिओमध्ये त्यांना “हिंसक आणि अपमानास्पद वागणारा व्यक्ती” म्हटल्याप्रकरणी न्यायालयाने समन्स जारी केले होते. तसेच, अमित सचदेवा नावाच्या व्यक्तीने सनातन धर्म आणि हिंदू देवतांबद्दल आक्षेपार्ह टिप्पणी केल्याप्रकरणी भारतीय न्याय संहितेनुसार एफआयआर नोंदवण्याची मागणी करणारी तक्रार दाखल केली आहे.
या घडामोडींदरम्यान, १० ऑक्टोबर २०२६ रोजी दिल्ली आणि गुरुग्राम पोलिसांनी संयुक्त कारवाई करत राठी यांना गुरुग्राममधील सेक्टर ५६ मधील त्यांच्या राहत्या घरातून ताब्यात घेतले होते. जंतरमंतर येथे आयोजित सीजेपीच्या (CJP) आंदोलनात सहभागी होण्यापूर्वी पोलिसांनी ही कारवाई केली होती. तब्बल २२ तास ताब्यात ठेवल्यानंतर त्यांना सोडून देण्यात आले, ज्यानंतर त्यांनी या कारवाईवर तीव्र नाराजी व्यक्त केली होती.
एकापाठोपाठ एक येणाऱ्या कायदेशीर नोटीसा आणि राजकीय आंदोलनांमधील सहभागामुळे ध्रुव राठी यांच्यासमोर अडचणी निर्माण केल्या जात असल्याचे चित्र आहे. आता शनिवारी 17 ऑक्टोबर रोजी होणाऱ्या सुनावणीकडे सर्वांचे लक्ष लागले आहे.
