राज्यातील दुष्काळग्रस्त शेतकर्यांना मदतीचा हात देण्यासाठी शेगाव येथील श्री गजानन महाराज संस्थानच्या वतीने मुख्यमंत्री सहाय्यता निधीस १ कोटी ११ लाख रुपयांचा सहयोग निधी देण्यात आला. संस्थानच्या वतीने हा निधी २७ सप्टेंबर २०२६ रोजी मुख्यमंत्री देवेंद्र फडणवीस यांच्याकडे धनादेशाद्वारे सुपूर्द करण्यात आला.
राज्यात एल निनोमुळे यंदा पावसाचे प्रमाण कमी राहिल्याने अनेक भागांमध्ये खरीप हंगामातील पिकांवर परिणाम झाला असून, शेतकर्यांसमोर आर्थिक संकट निर्माण झाले आहे. या पार्श्वभूमीवर दुष्काळामुळे बाधित शेतकर्यांना मदत मिळावी, या उद्देशाने संस्थानने मुख्यमंत्री सहाय्यता निधीस आर्थिक योगदान दिले आहे. दुष्काळग्रस्त शेतकर्यांसाठी शासनामार्फत राबविण्यात येणार्या मदतकार्यात या निधीचा उपयोग होणार आहे
. शेतकरी बांधवांना संकटाच्या काळात मदत मिळावी, या सामाजिक भावनेतून संस्थानने हा सहयोग निधी दिल्याचे सांगण्यात आले. संस्थानच्या या योगदानामुळे दुष्काळग्रस्तांसाठीच्या मदतकार्यास हातभार लागणार आहे.
