विशेष सखोल पुनरावलोकन (SIR) चा मुद्दा पुन्हा एकदा गाजत आहे. पश्चिम बंगालच्या निवडणुकीत एसआयआर (SIR) प्रक्रियेवरून मोठा गदारोळ झाला. त्यामुळे ममता बॅनर्जी यांच्या तृणमूल काँग्रेसला (TMC) भाजपकडून पराभव पत्करावा लागला. तृणमूल काँग्रेसच्या राज्यसभा खासदार सागरिका घोष यांनी या मुद्द्यावरून पुन्हा एकदा भाजपवर आरोप केला आहे. भाजपला फायदा व्हावा यासाठी मतदार यादी प्रक्रियेत फेरफार केला जात आहे, असा आरोप त्यांनी केला आहे.
सागरिका घोष यांनी सांगितले की, २३ विरोधी पक्षांनी एकत्रितपणे देशाच्या सरन्यायाधीशांना पत्र लिहून निवडणूक प्रक्रियेच्या न्यायालयीन चौकशीची मागणी केली आहे. एएनआय (ANI) या वृत्तसंस्थेशी बोलताना घोष यांनी हा आरोप केला आहे. एसआयआर प्रक्रियेबद्दल चिंता व्यक्त करण्यासाठी विरोधी पक्ष एकजूट होत आहेत. निवडणूक आयोग सत्ताधारी पक्षाच्या बाजूने काम करत असल्याचा आरोप त्यांनी केला.
भाजपला फायदा व्हावा आणि निवडणुकीच्या निकालांमध्ये फेरफार करण्यासाठी एसआयआर प्रक्रियेचा वापर केला जात आहे. यावर एनडीए-व्यतिरिक्त विरोधी पक्ष एकमताने सहमत आहेत. २३ विरोधी पक्षांनी देशाच्या सरन्यायाधीशांना पत्र लिहिले आहे. भाजपला फायदा व्हावा यासाठी एसआयआर प्रक्रियेचा ज्या प्रकारे वापर केला जात आहे, त्यावर लक्ष घालण्याचे आवाहन त्यांनी सर्वोच्च न्यायालयाला केले आहे.
घोष यांनी आरोप केला की, निवडणुका, मतदान आणि निवडणूक प्रक्रियेत फेरफार केला जात आहे. त्यांनी सांगितले की, या प्रकरणाची चौकशी करण्यासाठी विरोधी पक्षांनी न्यायपालिकेकडे धाव घेतली आहे. पहिल्यांदाच २३ विरोधी पक्षांनी एकत्रितपणे न्यायपालिकेला आवाहन करणारे पत्र लिहिले आहे. हे पत्र सरन्यायाधीशांना लिहिण्यात आले असून, भाजपला फायदा व्हावा यासाठी एसआयआर प्रक्रियेत ज्या प्रकारे फेरफार केला जात आहे, त्यावर लक्ष घालण्याची न्यायपालिकेला विनंती करण्यात आली आहे. सागरिका घोष यांनी सांगितले की, यापूर्वी ८ जून रोजी २१ विरोधी पक्षांची बैठक झाली होती आणि एसआयआर प्रक्रियेतील अनियमिततेविरोधात एकत्रितपणे आंदोलन करण्याचा निर्णय घेण्यात आला होता.
