२१ जून २०२६ रोजी होणाऱ्या आगामी नीट (यूजी) परीक्षेबाबत विद्यार्थ्यांचा ताण वाढत आहेत. नॅशनल टेस्टिंग एजन्सीने (NTA) आपल्या अधिकृत वेबसाइटवर परीक्षेसाठी प्रवेशपत्रे प्रसिद्ध केली. मात्र, त्यानंतर लगेचच देशभरातील हजारो विद्यार्थ्यांना एका नवीन समस्येचा सामना करावा लागत आहे. प्रवेशपत्रे डाउनलोड करताना विद्यार्थ्यांना मोठ्या तांत्रिक अडचणी आणि सर्व्हर क्रॅशचा अनुभव येत आहे. त्यामुळे परीक्षेआधीच विद्यार्थ्यांची चिंता वाढली आहे.
नीट २०२६ परीक्षेची प्रवेशपत्रे प्रसिद्ध झाल्यानंतर, विद्यार्थ्यांना ती डाउनलोड करताना तांत्रिक अडचणी येत आहेत. एनटीएने सांगितले की, ही समस्या सर्व्हरवरील जास्त भार आणि टू-फॅक्टर ऑथेंटिकेशनमुळे आहे. एजन्सीने आश्वासन दिले आहे की, तांत्रिक पथके ही समस्या लवकरच सोडवतील, जेणेकरून सर्व विद्यार्थी कोणत्याही अडचणीशिवाय त्यांची प्रवेशपत्रे डाउनलोड करू शकतील.
नॅशनल टेस्टिंग एजन्सीने (NTA) या प्रकरणी एक अधिकृत निवेदन जारी केले आहे. एजन्सीने कबूल केले आहे की, अतिरिक्त भारामुळे सर्व्हरमध्ये काही तांत्रिक समस्या येत आहेत आणि त्यांचे पथक त्या सोडवण्यासाठी अथक प्रयत्न करत आहे. प्रवेशपत्रे उपलब्ध झाल्यापासून अंदाजे ४ लाख उमेदवारांनी त्यांची प्रवेशपत्रे यशस्वीरित्या डाउनलोड केली आहेत. पण खरी समस्या लॉग इन करण्याचा प्रयत्न करणाऱ्या विद्यार्थ्यांसोबत आहे, ज्यांना त्यांच्या स्क्रीनवर ‘सर्व्हर एरर’ किंवा ‘पेज नॉट रिस्पॉन्डिंग’ असा संदेश मिळत आहे.
विद्यार्थ्यांची सुरक्षा आणि पारदर्शकतेसाठी, एनटीएने लॉगिन प्रक्रियेत २-फॅक्टर ऑथेंटिकेशन लागू केले आहे. याअंतर्गत, विद्यार्थ्यांना लॉगिन केल्यानंतर रिफंडसाठी त्यांच्या बँक खात्याचा तपशील सत्यापित करणे आवश्यक आहे. सुरक्षेच्या या अतिरिक्त स्तरामुळे आणि एकाच वेळी लाखो विद्यार्थ्यांच्या प्रवेशामुळे सर्व्हरवर दबाव आला.
तांत्रिक अडचणींबाबत एनटीएने परिस्थिती स्पष्ट केली आहे. एजन्सीने म्हटले आहे की, लॉगिननंतर बँक खात्याचा तपशील पडताळण्यासाठी टू-फॅक्टर ऑथेंटिकेशनचा समावेश करणे हे पूर्णपणे विद्यार्थ्यांच्या हिताचे आहे, ज्यामुळे विद्यार्थ्यांच्या खात्यात सुरक्षित आणि थेट परतावा प्रक्रिया सुनिश्चित होतो.
एनटीएने पुढे म्हटले आहे, आम्हाला याची पूर्ण जाणीव आहे की काही विद्यार्थ्यांना त्यांचे प्रवेशपत्र ऍक्सेस करताना तांत्रिक अडचणी आणि सर्व्हरच्या समस्या येत आहेत. सर्व्हरवर सध्या प्रचंड भार आहे. मात्र, आमचे तांत्रिक पथक या समस्यांचे निराकरण करण्यासाठी अथक प्रयत्न करत आहे. आम्ही लवकरच हे सुनिश्चित करू की सर्व उमेदवार कोणत्याही अडचणीशिवाय त्यांचे प्रवेशपत्र डाउनलोड करू शकतील.
