अंबाजीराजे घाटगे हे मराठा साम्राज्यातील एक प्रख्यात आणि पराक्रमी घाटगे घराण्यातील सरदार होते. घाटगे कुटुंब हे मूळचे खटाव गावचे रहिवासी व मलवडीचे देशमुख होते. मराठा साम्राज्यातील नामांकित आणि पराक्रमी सरदार घराण्यांपैकी एक असे त्यांचे घराणे होते. अंबाजीराजे घाटगे यांची समाधी सातारा जिल्ह्यातील खटाव तालुक्यात असलेल्या राजापूर या ऐतिहासिक गावामध्ये स्थित आहे. त्यांनीच या गावाची स्थापना केली होती, असे मानले जाते. 18 व्या शतकात या भागात घाटगे सरदारांचे मोठे वर्चस्व होते. अंबाजीराजे घाटगे या ‘राजाच्या समाधीमुळेच’ या गावाला पुढे ‘राजापूर’ हे नाव पडले. या गावात अंबाजीराजे घाटगे यांचा एक प्राचीन आणि भव्य ऐतिहासिक वाडादेखील आहे. हा वाडा आणि समाधी परिसर मराठा कालखंडातील स्थापत्यकलेची साक्ष देतो.
