हिंदुस्थानचा संघ उद्या मैदानात उतरेल तो वन डे मालिकेत निर्भेळ यश मिळण्यासाठी. हिंदुस्थानने वेस्ट इंडीजविरुद्धच्या वन डे मालिकेत पहिल्या दोन सामन्यांत विजय मिळवत मालिका आधीच खिशात घातली आहे. या मालिकेतील तिसरा आणि अखेरचा औपचारिक सामना शनिवारी रंगणार आहे. त्यामुळे या सामन्यात हिंदुस्थान नव्या चेहऱयांना संधी देण्याची दाट शक्यता आहे.
वेस्ट इंडीजविरुद्धच्या पहिल्या दोन्ही सामन्यांत हिंदुस्थानच्या फलंदाजीचाच बोलबाला पाहायला मिळाला. पहिल्या सामन्यात हिंदुस्थानचा कर्णधार शुभमन गिल आणि विराट कोहली यांच्या शतकी खेळीने हिंदुस्थानचा विजय साकार केला, तर दुसऱया सामन्यात प्रथम फलंदाजी करताना 400 धावांचा डोंगर उभा करूनदेखील कर्णधार गिल याची द्विशतकी खेळी आणि रोहित शर्माच्या शतकी खेळीने हिंदुस्थानने 400 धावांचे लक्ष गाठून ऐतिहासिक विजय साकार केला.
उद्या तिरा येथील पीसीए न्यू क्रिकेट स्टेडियम येथे तिसरा आणि अखरेचा सामना रंगणार आहे. वेस्ट इंडीजच्या संघाला पहिल्या दोन सामन्यांत विजयाची नोंद करता न आल्यामुळे त्यांची ही लढत केवळ प्रतिष्ठा जपण्यासाठी असेल, तर हिंदुस्थानसाठी हा सामना क्लीन स्वीप पूर्ण करण्याच्या दृष्टीने महत्त्वाचा ठरेल.
