रात्रपाळीची डय़ुटी आटोपून घराकडे निघालेल्या एका तरुणाच्या हातातला मोबाईल हिसकावून दोघेजण दुचाकीवरून पळाले होते. पण याप्रकरणी तरुणाने तक्रार देताच गोवंडी पोलिसांनी शिताफीने तपास करत दोघा आरोपींना पकडून त्यांनी चोरलेला मोबाईल हस्तगत केला.
गोवंडी येथे राहणारा वैभव सोनवणे (21) या तरुणाचा मोबाईल चोरण्यात आला होता. वैभव रात्रपाळीची डय़ुडी आटोपून पायीच घराकडे जात असताना मागून दुचाकीवरून आलेल्या चोरांनी वैभवच्या हातातला मोबाईल हिसकावून पळ काढला. याप्रकरणी गोवंडी पोलिसांनी मोबाईल चोरीचा गुन्हा दाखल करून तपास सुरू केला. प्रकटीकरण पथकाने आपल्या खबऱयांना कामाला लावून माहिती काढण्यास सुरुवात केली. तेव्हा मिळालेल्या माहितीच्या आधारे पोलिसांनी शिवाजीनगर परिसरातून अनस शेख (20) आणि मुझम्मील खान (20) या दोघा संशयितांना ताब्यात घेतले. त्यांच्याकडे चौकशी केली असता मुझम्मीलच्या खिशात चोरीचा मोबाईल सापडला. सत्यम टॉवरच्या गेटसमोर एका पादचाऱयाच्या हातातला मोबाईल हिसकावल्याची कबुली त्याने दिली.
