हैद्राबाद येथील दानशुर साईभक्त राजेश्वर यांनी त्यांची कंपनी साई कृपा वेंचरच्या नावे श्री साईबाबा संस्थानला मेडीकल फंडकरीता रुपये 25 लाखांचे चार डिमांड ड्राफ्ट दिले आहे. अशा प्रकारे राजेश्वर यांनी तब्बल एक कोटी रुपयांची देणगी मंदिराला दिली आहे. राजेश्वर यांनी ते चारही डिमांड ड्राफ्ट संस्थानचे मुख्य कार्यकारी अधिकारी राहुल जाधव यांच्याकडे सुपुर्द केले.
तसेच हैद्राबाद येथील ओम श्रीराम बिल्डर्सचे सुभ्बा रेडडी हे त्यांच्या वाढदिवसानिमित्त श्री साईबाबा हॉस्पिटलकरीता सुमारे 40 लाख रुपये किंमतीचे एक्सरे मशिन म्हणून देणार असल्याचे ही राजेश्वर यांनी या वेळी सांगितले. या प्रसंगी संस्थानचे मुख्यलेखाधिकारी तथा प्रशासकीय अधिकारी कैलास खराडे उपस्थित होते. याबरोबरच चेन्नई येथील देणगीदार साईभक्त व्ही.जितेंद्र यांनी 544 ग्रॅम वजनाची 27 लाख 77 हजार 664रुपये किंमतीची सोन्याची आरती श्री साईबाबा संस्थानला देणगी स्वरुपात दिली.
