सीबीएसई बोर्डाने त्यांच्या दहावी आणि बारावीच्या परीक्षांच्या तारखा जाहीर केल्या आहेत. सीबीएसईच्या या परीक्षा 15 फेब्रुवारी 2024 पासून सुरु होणार असून 10 एप्रिलपर्यंत चालणार आहेत. सुमारे 55 दिवस या परीक्षा सुरू राहणार आहेत. सीबीएसई बोर्डाने परीक्षांची डेटशीट जारी करताना काही मार्गदर्शक तत्त्वेही जारी केली आहेत.
CBSE releases date sheet for class 12th Board Exams. Examinations to begin from 15th February 2024. pic.twitter.com/zRePYph6ly
— ANI (@ANI) December 12, 2023
दोन विषयांमध्ये पुरेसे अंतर असावे, इयत्ता बारावीची डेटशीट तयार करताना जेईई मेन परीक्षा लक्षात ठेवली आहे. हे टाईमटेबल तयार करताना दोन विषयांच्या परीक्षा एकाच तारखेला होऊ नयेत, हे देखील लक्षात ठेवण्यात आले आहे. परीक्षेची वेळ सकाळी 10:30 पासून असणार आहे. विद्यार्थ्यांना परीक्षेची चांगली तयारी करता यावी यासाठी परीक्षेच्या दोन महिने आधी डेटशीट जारी करण्यात आली आहे. दहावी, बारावी परीक्षांचे टाईमटेबल सीबीएसईच्या अधिकृत वेबसाईटवर पाहता येणार आहे.
