श्रीलंकेविरुद्धच्या दुसऱ्या कसोटी सामन्यात टीम इंडियाचा कर्णधार शुभमन गिल याने नाणेफेक जिंकून प्रथम फलंदाजी करण्याचा निर्णय घेतला आहे. गॅले येथील पहिल्या कसोटीत 165 धावांनी दमदार विजय मिळवून मालिकेत 1-0 अशी आघाडी घेतलेल्या हिंदुस्थानी संघात या सामन्यासाठी एक महत्त्वाचा बदल करण्यात आला आहे. फिरकीपटू कुलदीप यादव याला आजारपणामुळे विश्रांती देण्यात आली असून मध्य प्रदेशच्या 33 वर्षीय सारांश जैन याला कसोटी पदार्पणाची संधी मिळाली आहे.
दुसऱ्या कसोटीसाठी दोन्ही संघात काही बदल करण्यात आले आहेत. हिंदुस्थानकडून कुलदीप यादवच्या जागी सारांश जैन तर श्रीलंकेकडून कमिल मिशाराने कसोटी पदार्पण केले आहे. दुखापतग्रस्त दिनेश चांदीमलच्या जागी पासिंदू सुरियाबंदाराचा श्रीलंकेच्या अंतिम 11 खेळाडूंमध्ये समावेश करण्यात आला आहे.
A look at #TeamIndia‘s Playing XI for the 2nd #SLvIND Test 👌👌
Saransh Jain makes his international debut 👏👏
Updates ▶️ https://t.co/r9FgXSdsMf pic.twitter.com/WOCtWZ9YcP
— BCCI (@BCCI) August 23, 2026
दरम्यान, गॅलेच्या तुलनेत कोलंबोची ही खेळपट्टी अधिक कठीण आणि फलंदाजीसाठी उत्तम दिसत आहे. पहिल्या 2 ते 3 दिवसांत येथे धावा करणे सोपे जाईल आणि त्यानंतर हळूहळू फिरकीला मदत मिळेल. कुलदीप दुर्दैवाने आजारी असल्याने सारांश जैनला पदार्पणाची संधी मिळाली आहे, असे नाणेफेक जिंकल्यानंतर शुभमन गिल म्हणाला. तर हवामानात ढगाळ वातावरण असल्याने सुरुवातीला गोलंदाजी करून भारतीय फलंदाजांना अडचणीत आणण्याची आमची रणनीती असेल. फलंदाजीत लवकर विकेट्स न गमावता मोठी धावसंख्या उभारण्यावर आमचा भर राहील, असे श्रीलंकेचा कर्णधार धनंजय डी सिल्वा म्हणाला.
हिंदुस्थानची प्लेइंग 11
यशस्वी जैस्वाल, के. एल. राहुल, देवदत्त पडिक्कल, शुभमन गिल (कर्णधार), ऋषभ पंत, रवींद्र जडेजा, ध्रुव जुरेल, सारांश जैन, मानव सुथार, मोहम्मद सिराज, प्रसिध कृष्णा
श्रीलंकेची प्लेइंग 11
लाहिरू उदारा, कमिल मिशारा, पासिंदू सुरियाबंदारा, कांमिंदू मेंडिस, धनंजय डी सिल्वा (कर्णधार), सोनल दिनुषा, निरोशन डिकवेला, केवश नुवंथा, प्रभात जयसूर्या, लाहिरू कुमारा, असिथा फर्नांडो
