मुंबईसह संपूर्ण कोकण किनारपट्टीवर निसर्गाचा कोप पाहायला मिळण्याची शक्यता आहे. हवामान विभागाने आज, २ जुलै २०२६ रोजी सकाळी १०:०० वाजता तातडीचा पावसाचा इशारा (Nowcast Warning) जारी केला आहे. पुढील ३ तास या भागासाठी अत्यंत संवेदनशील असणार आहेत.
या जिल्ह्यांना ‘रेड अलर्ट’
हवामान खात्याने खालील जिल्ह्यांसाठी अत्यंत धोक्याचा म्हणजेच ‘रेड अलर्ट’ घोषित केला आहे:
मुंबई
ठाणे
पालघर
रायगड
कसे असेल हवामान?
पुढील ३ तासांत या चारही जिल्ह्यांमध्ये काही ठराविक ठिकाणी मुसळधार ते अतिमुसळधार पावसाच्या सरी कोसळण्याची दाट शक्यता वर्तवण्यात आली आहे. कमी वेळेत जास्त पाऊस होण्याची शक्यता असल्याने सखल भागात पाणी साचण्याची भीती आहे.
नागरिकांना आवाहन: हवामान खात्याने नागरिकांना सतर्क राहण्याचे आणि प्रशासनाने दिलेल्या सूचनांचे पालन करण्याचे आवाहन केले आहे. अत्यंत आवश्यक काम असेल तरच घराबाहेर पडावे आणि सुरक्षित ठिकाणी राहावे.
