मत चोरणाऱ्यांचा राजीनामा घेता येत नाही आणि तरुणांना दोष देता? संजय सिंह यांची किरेन रिजिजू आणि मोदींवर टीका

आम आदमी पार्टीचे खासदार संजय सिंह यांनी केंद्रीय मंत्री किरेन रिजिजू यांच्या वक्तव्यावरून पंतप्रधान नरेंद्र मोदी आणि केंद्र सरकारवर जोरदार टीका केली आहे. देशभरात सुरू असलेली आंदोलने थांबवायची असतील, तर किरेन रिजिजू आणि पंतप्रधान मोदी यांनी तशी इच्छा व्यक्त करावी, आंदोलने तात्काळ थांबतील, असे संजय सिंह म्हणाले. मतदारांची नावे मतदारयादीतून वगळण्याच्या मुद्द्यावरून त्यांनी सरकारला धारेवर धरले.

संजय सिंह म्हणाले, “रिजिजूजी आणि मोदीजी यांना वाटत असेल, तर ही सर्व आंदोलने तात्काळ थांबू शकतात. तुम्हाला मतचोराचा राजीनामा घेता येत नाही आणि तुम्ही तरुणांना दोष देत आहात?”

देशभरातील 13 कोटी 37 लाख मतदारांची नावे वगळण्यात आल्याचा आरोप करत संजय सिंह यांनी केंद्र सरकारवर निशाणा साधला. या प्रक्रियेमुळे संपूर्ण देशातील लोकांना रांगेत उभे राहावे लागल्याचा दावाही त्यांनी केला. एवढे सगळे घडत असताना त्यासाठी देशातील जनता आणि तरुणांना जबाबदार धरायचे का, असा सवाल त्यांनी उपस्थित केला.

“देशभरातील 13 कोटी 37 लाख नावे वगळणाऱ्या आणि संपूर्ण देशाला रांगेत उभे राहण्यास भाग पाडणाऱ्या मतचोराचा तुम्हाला राजीनामा घेता येत नाही. मग यासाठी देशातील जनता आणि तरुण जबाबदार आहेत का? रिजिजूजी आणि त्यांच्या पक्षाला हेच सांगायचे आहे का?” असा सवाल संजय सिंह यांनी केला.

स्वतःच्या चुकीवर पडदा टाकण्यासाठी सरकारकडून कोणतीही वक्तव्ये केली जात असल्याचा आरोपही त्यांनी केला. “स्वतःच्या चुका लपवण्यासाठी तुम्ही काहीही बोलत राहता,” अशा शब्दांत संजय सिंह यांनी किरेन रिजिजू आणि केंद्र सरकारवर टीका केली.

VIDEO | Delhi: On Union Minister Kiren Rijiju’s remarks, AAP MP Sanjay Singh says, “If Rijiju ji and Modi ji want, all these protests will stop immediately right away. You are unable to take the resignation of a vote thief, and you are blaming the youth? You cannot take the resignation of a vote thief who removed 13 crore 37 lakh names across the country and made the entire nation stand in queues, and for this, the people of the country and the youth are to be blamed? Is this what Rijiju ji and his party want to say? Just to cover up your own wrongdoing, you keep saying anything?…”

(Full video available on PTI Videos – https://t.co/bIyFWTeOLF)

— Press Trust of India (@PTI_News) October 19, 2026