गोराईकरांसाठी गोराई बस आगारात ओलेक्ट्रा कंपनीच्या 100 इलेक्ट्रिक एसी बसेसचा ताफा आणला जाणार आहे. या मिनी बसेसमुळे गोराईकरांचा प्रवास गारेगार होणार आहे. 100 एसी बसेसपैकी चार एसी बसेस गोराई बस डेपोत दाखल झाल्या आहेत. लककरच या बसेस गोराई-चारकोप-बोरिवली या मार्गावर धावणार आहेत. बेस्टची 27 बस डेपो असून प्रत्येक डेपोत एसी बसेस उपलब्ध करण्यात येत आहेत. बेस्ट उपक्रमाच्या ताफ्यात ओलेक्ट्रा कंपनीच्या 2,100 एसी बसेस टप्प्याटप्प्याने दाखल होणार आहेत. दरम्यान, 12 मीटर लांबीच्या या बसेस प्रथम 461 मार्गाकर चारकोप ते मुलुंडदरम्यान धावणार असून त्यानंतर 460 मर्यादित (मुलुंड) 202 मर्यादित, (माहीम) 226 मर्यादित बर्वेनगर घाटकोपर व नंतर चारकोप ते कांदिवली व बोरिवली या कमी अंतराच्या मार्गावर धावणार आहेत.
