बॉलिवूड चित्रपटसृष्टीत आपल्या उत्कृष्ट अभिनयाने सर्वांना प्रभावित करणाऱ्या अभिनेत्री तब्बूने, मुंबईत एक आलिशान अपार्टमेंट खरेदी केले आहे. मुंबईतील वर्सोवा येथील उच्चभ्रू सोसायटीमध्ये तिने हा फ्लॅट खरेदी केला आहे.
अभिनेत्रीने मुंबईतील वर्सोवा येथील गोदरेज प्रॉपर्टीजमध्ये गुंतवणूक करून १० कोटी रुपयांना २,१५३ चौरस फुटांचा एक फ्लॅट खरेदी केला आहे. हा फ्लॅट २६ मार्च २०२६ रोजी ५.२४ लाख रुपयांचे मुद्रांक शुल्क आणि ३०,००० रुपयांचे नोंदणी शुल्क भरून खरेदी करण्यात आला.
तब्बूची एकूण संपत्ती सुमारे २२ कोटी रुपये असून तिचे वार्षिक उत्पन्न ३ कोटी रुपयांपेक्षा जास्त आहे. तिच्याकडे बीएमडब्ल्यू आणि ऑडीसारख्या महागड्या गाड्याही आहेत, ज्यांची किंमत लाखो रुपयांमध्ये आहे.
टीव्ही 9 ने दिलेल्या वृत्तानुसार, अलीकडेच तब्बूने अक्षय कुमार आणि प्रियदर्शन यांच्या ‘भूत बंगला’ या चित्रपटात एक महत्त्वाची भूमिका साकारली होती. मिळालेल्या माहितीनुसार, या चित्रपटासाठी तब्बूला अंदाजे २.५ कोटी रुपये मिळाले आहेत. ती साधारणपणे एका चित्रपटासाठी ३ कोटी रुपये मानधन घेते.
लवकरच तब्बूचा एक तेलुगू चित्रपटही प्रदर्शित होणार आहे. तसेच ती ‘स्लमडॉग मिलियनेअर ३३ टेम्पल रोड’ या चित्रपटातही दिसणार आहे.
