विविध स्तरांवरील निवडणूक निकालांचे भाकीत प्रत्येक निवडणुकी वेळी ज्योतिषी वर्तवीत असतात. त्याला राजकीय नेतेदेखील बळी पडतात. त्यांच्या या कृतीमुळे गैरसमज पसरतात आणि अंधश्रद्धा निर्माण होतात. यामुळे लोकसभा निवडणुकीच्या पार्श्वभूमीवर महाराष्ट्र अंधश्रद्धा निर्मूलन समितीने देशातील सर्वच ज्योतिषांना निवडणूक निकालाचे अचूक भविष्य वर्तवून 21 लाख रुपये बक्षीस जिंकण्याचे आव्हान दिले आहे.
अंधश्रद्धा निर्मूलन समितीने जाहीर केलेल्या प्रसिद्धिपत्रकाद्वारे देशातील ज्योतिषांना आव्हान दिले आहे. या पत्रकावर डॉ. हमीद दाभोलकर, राहुल थोरात, सम्राट हटकर, रामभाऊ डोंगरे, मिलिंद देशमुख, प्रकाश घादगिने, विनोद वायंगणकर, प्रवीण देशमुख यांनी दिली. पत्रकाद्वारे त्यासाठीची आवाहन प्रक्रिया, प्रश्नावली महाराष्ट्र ‘अंनिस’ने जाहीर केली आहे.
