महाराष्ट्र सरकारने भारतीय प्रशासकीय सेवा (IAS) अधिकारी नितीन करीर यांची राज्याचे नवे मुख्य सचिव म्हणून नियुक्ती केली आहे. करीर सध्या अतिरिक्त मुख्य सचिव (वित्त) आहेत, ते महाराष्ट्र केडरचे 1988 च्या बॅचचे आयएएस अधिकारी आहेत. राज्याचे मुख्य सचिव मनोज सौनिक सेवानिवृत्त होत असल्याने या पदावर करीर यांची नियुक्ती करण्यात आली आहे. करीर यांनी रविवारी संध्याकाळी आपल्या पदाचा कार्यभार स्वीकारला आहे.
