मुंबई सेंट्रल येथील आग्रीपाडा पोलीस स्टेशनजवळ असलेल्या 21 मजली इमारतीला आज सकाळी 8 च्या सुमारास आग लागल्याची घटना घडली. इमारतीच्या इलेक्ट्रिक डक्टमध्ये लागलेली ही आग काही क्षणात भडकल्याने इमारतीत धुराचे पसरले. त्यामुळे भीतीचे वातावरण तयार झाले, मात्र अग्निशमन दलाने तातडीने घटनास्थळी धाव घेत आगीवर नियंत्रण मिळवण्याचे काम सुरू केले.
तब्बल दोन तासांनंतर आगीवर नियंत्रण मिळवण्यात यश आले. सुदैवाने या आगीत कुणीही जखमी झाले नाही. दरम्यान आगीतल्या इमारतीतील विद्युत यंत्रणा, विद्युत तारा आगीत जळून खाक झाल्या. आगीच्या घटनेची चौकशी स्थानिक पोलीस, अग्निशमन यंत्रणेकडून सुरू असल्याचे पालिकेच्या आपत्कालीन विभागाकडून सांगण्यात आले.
