कन्स्ट्रक्शन फेडरेशन ऑफ इंडिया (CFI) ने आपल्या स्थापनेची २५ वर्षे पूर्ण झाल्याच्या निमित्ताने रौप्यमहोत्सवी वर्ष साजरे केले. यानिमित्त मुंबईत एका कार्यक्रमाचे आयोजन करण्यात आले होते. देशातील बांधकाम आणि पायाभूत सुविधा क्षेत्राचे प्रतिनिधित्व करणाऱ्या CFI ने गेल्या 25 वर्षांच्या काळात धोरण, कामकाज आणि प्रकल्पांच्या अंमलबजावणीशी संबंधित विविध आव्हाने याचा यावेळी आढावा घेण्यात आला. ‘२५ वर्षे उत्कृष्ट बांधकामाची आणि पुढील भविष्याची वाटचाल’ या संकल्पनेअंतर्गत आयोजित या कार्यक्रमाला प्रमुख पाहुणे म्हणून MMRDA चे महानगर आयुक्त डॉ. संजय मुखर्जी उपस्थित होते. यावेळी उद्योग क्षेत्रातील वरिष्ठ मान्यवर आणि पायाभूत सुविधा क्षेत्रातील तज्ज्ञांनी देशाच्या पुढील पायाभूत विकासाच्या टप्प्यावर चर्चा केली.
या कार्यक्रमातील संवादामध्ये तंत्रज्ञान, यांत्रिकीकरण, प्रकल्पांची वेळेत अंमलबजावणी, प्रशासन आणि शाश्वत पायाभूत सुविधा या विषयांवर चर्चा करण्यात आली. बांधकाम, अभियांत्रिकी, खरेदी आणि बांधकाम. क्षेत्रात अधिक कार्यक्षमता, उत्पादकता आणि आव्हानांना सामोरे जाण्याची क्षमता वाढवण्याची गरज यावेळी अधोरेखित करण्यात आली.
CFI च्या रौप्यमहोत्सवी कार्यक्रमात MMRDA चे महानगर आयुक्त डॉ. संजय मुखर्जी म्हणाले, ‘देशाच्या बांधकाम आणि पायाभूत सुविधा क्षेत्रासाठी गेली २५ वर्षे योगदान दिल्याबद्दल मी CFI चे अभिनंदन करतो. ‘मुंबईला नव्याने सक्षम करणे, MMR ची पुनर्रचना करणे आणि हा संपूर्ण परिसर अधिक जोडलेला व सहज पोहोचता येण्यासारखा बनवणे, तसेच नवीन जागा आणि संधी निर्माण करणे’ हे आमचे उद्दिष्ट आहे.
