अलेजांड्रा मारीसा रॉड्रिग्ज यांनी वयाच्या 60 व्या वर्षी मिस युनिव्हर्स ब्यूनोस आयर्सचा किताब जिंकला. अलेजांड्रा या पेशाने वकील आणि पत्रकार आहेत. अलेजांड्रा यांचे स्पर्धेतील फोटो आणि व्हिडीओ सोशल मीडियावर चांगलेच व्हायरल झाले आहेत. अर्जेंटिनाच्या ब्यूनोस आयर्समधील प्लाटा येथे अलेजांड्रा रॉड्रिग्ज राहतात. त्यांनी वयाच्या 60 व्या वर्षी हा किताब जिंकून वय आणि सौंदर्याची व्याख्या बदलून टाकली आहे. अलेजांड्रा यांनी ही स्पर्धा जिंकून एक उत्तम उदाहरण स्थापित केले आहे. एक्स अकाऊंटवर हा व्हिडीओ शेअर करण्यात आला आहे. पुढील महिन्यात नियोजित मिस युनिव्हर्स अर्जेंटिनाची निवड होणार आहे. त्यात जर त्यांची निवड झाली तर त्या मेक्सिकोत होणाऱया 28 सप्टेंबर 2024 च्या मिस युनिव्हर्स वर्ल्ड स्पर्धेतसुद्धा दिसतील.
