यवतमाळ ते पांढरकवडा मार्गावरील सायखेड धरण फाट्याजवळ परस्पर विरूद्ध दिशेने धावणाऱ्या दोन ट्रकची टक्कर झाली. या भीषण अपघातात ट्रकमधील दोनजण जागीच ठार झाले, तर दोघे गंभीर जखमी झालेत. या अपघातात ट्रकमधील 300 बकऱ्यासुध्दा ठार झाल्यात. जिकडेतिकडे मृत बकऱ्यांचा खच पडला होता.
चंद्रपूर येथून सिमेंट भरून यवतमाळकडे निघालेल्या ट्रक आणि मध्यप्रदेशातून तेलंगणात बकऱ्या भरून निघालेला ट्रक, या दोन ट्रकमध्ये आमनेसामने धडक झाली. अपघातात ट्रकमधील दोन जणांचा मृत्यू झाला तर ट्रकमधी सुमारे 300 बकऱ्या मृत्युमुखी पडल्या. या अपघातात दोन्ही ट्रकचे मोठे नुकसान झाले.
हा अपघात इतका भीषण होता की ट्रकचा अक्षरशः चुराडा झाला. जखमींना बाहेर काढण्यासाठी जेसीबीची मदत घ्यावी लागली. जखमींना तातडीने दवाखान्यात उपचारार्थ रवाना करण्यात आले. रस्त्याच्या दोन्ही बाजूला वाहनांच्या दोन किलोमीटरपर्यंत लांबच लांब रांगा लागल्या होत्या. काही वेळानंतर पांढरकवडा पोलिसांनी दोन्ही वाहनांना बाजूला करून वाहतूक सुरळीत केली.
