बुधवारी सकाळी तैवानच्या पूर्वेला 7.4 तीव्रतेचा जोरदार भूकंप झाला, ज्यामुळे तैवानसह दक्षिण जपान आणि फिलिपाइन्सच्या काही भागांना त्सुनामीचा इशारा देण्यात आला. यामुळे नागरिकांमध्ये घबराट पसरली आहे. मोठ्याप्रमाणावर लोक रस्त्यावर सुरक्षित ठिकाणं गाठण्यास सुरुवात केली.
स्थानिक वेळेनुसार सकाळी 8:00 च्या आधी भूकंपाचा धक्का बसला, युनायटेड स्टेट्स जिओलॉजिकल सर्व्हे (USGS) ने तैवानच्या हुआलियन शहराच्या दक्षिणेस 18 किलोमीटर (11 मैल) 34.8 किमी खोलीवर केंद्रबिंदू असल्याचं सांगण्यात आलं आहे.
जपानच्या हवामान एजन्सीने मियाकोजिमा बेटासह या प्रदेशातील दुर्गम जपानी बेटांसाठी तीन मीटर (10 फूट) त्सुनामीच्या लाटा येण्याचा इशारा दिला.
तैवानमध्ये, अधिकाऱ्यांनी मजकूर संदेशाद्वारे त्सुनामीचा इशारा जारी केला ‘किनारी भागातील लोकांना सतर्क राहण्याची आणि खबरदारी घेण्यासह सांगण्यात आलं आहे’.
सुरुवातीच्या भूकंपाचे धक्के संपूर्ण तैवानमध्ये जाणवले, तैपेईमधील उत्तरेकडील दक्षिणेकडील पिंगटुंग काउंटीमध्येही धक्के जाणवले आहेत.
तैपेईच्या हवामान विभागानुसार हुआलियन जवळ 6.5 तीव्रतेच्या भूकंपाचा समावेश असलेले – आफ्टरशॉक तैपेईमध्येही जाणवले.
राजधानीत, मेट्रो काही काळासाठी थांबली परंतु तासाभरात ती पुन्हा सुरू झाल्याचे दिसून आलं.
