‘सालार’ सांगून केजीएफ चिकटवला, प्रभासच्या चित्रपटावर नेटकरी नाराज

सामना ऑनलाईन
|

बाहुबली फेम सुपरस्टार प्रभास याचा चित्रपट सालारचा टीझर प्रदर्शित झाला आहे. पण, बाहुबलीच्या प्रचंड यशानंतर प्रभासच्या लोकप्रियतेला उतरती कळा लागल्याचं चित्र दिसून आलं आहे. साहो, राधेश्याम आणि आता आदिपुरुष हे तिन्ही चित्रपट फ्लॉप ठरले आहेत. त्यात सालार या चित्रपटाचा टीझर प्रदर्शित झाल्यानंतर नेटकरी त्याची तुलना केजीएफशी करायला लागले आहेत.

सालारच्या टीझरच्या सुरुवातीला टीनू आनंद दिसतात. तसंच, प्रभासची झलकही या टीझरमध्ये दिसते. तसंच, याखेरीज पृथ्वीराज सुकुमारन हाही टीझरमध्ये दिसून येतो. पण, त्यातील काही फ्रेम्स या केजीएफमध्ये दिसून आल्या असल्याचा दावा नेटकऱ्यांनी केला आहे.

सालार हा दोन भागांमध्ये येणार असून त्यात प्रभास, पृथ्वीराज सुकुमारन, श्रुती हासन, ईश्वरी राव, जगपती बाबू, श्रिया रेड्डी आणि अन्य कलाकार दिसणार आहेत. प्रशांत नील यांनी या चित्रपटाचं दिग्दर्शन केलं आहे. येत्या 28 सप्टेंबर 2023रोजी हा चित्रपट तेलुगू, कन्नड, मल्याळम, तमिळ आणि हिंदी अशा पाच भाषांमध्ये प्रदर्शित होणार आहे.

संबंधित बातम्या या पब्लिशरकडून आणखी