हार्दिक पंड्याने गुजरातला रामराम ठोकून मुंबई इंडियन्सचा झेंडा हाती घेतला. त्यामुळे गुजरात संघाचे नेतृत्व तरुण खेळाडू शुभमन गिलकडे सोपावण्यात आले. मात्र गुजरातला अद्याप तरी लौकिकाला साजेसा खेळ करता आलेला नाही. मात्र कर्णधार शुभमन गिलने एक एतिहासिक कामगिरी करत विराट कोहलीचा रेकॉर्ड मोडीत काढला आहे.
कुणाला पंडय़ा नकोय तर कुणाला पंत! टी-20 वर्ल्ड कपसाठी हिंदुस्थानच्या दिग्गजांचे संभाव्य संघ जाहीर
शुभमन गिल आयपीएलमध्ये 100 सामने खेळणारा सर्वात युवा हिंदुस्थानी खेळाडू बनला आहे. हा रेकॉर्ड यापूर्वी विराट कोहलीच्या नावावर होता. विराट कोहलीने वयाच्या 25 व्या वर्षी आयपीएलमध्ये 100 सामने खेळण्याचा रेकॉर्ड केला होता. तर शुभमन गिलने विराट कोहलीचा रेकॉर्ड मोडीत काढत वयाच्या 24 व्या वर्षी 100 सामने खेळण्याचा विक्रम केला आहे. या विक्रमासहीत शुभमन आयपीएलमध्ये 100 सामने खेळणारा दुसरा सर्वात युवा खेळाडू ठरला आहे.
सर्वात कमी वयामध्ये 100 आयपीएल सामने खेळण्याचा विक्रम राशीद खानच्या नावावार आहे. राशीद खानने 24 वर्षे आणि 221 दिवसांचा असताना 100 सामने खेळण्याचा रेकॉर्ड केला आहे.
