लोकसभा निवडणुकीत उमेदवारांच्या जोरदार सभा आणि प्रचार फेऱ्या सुरू आहेत. निवडणुकीच्या या रणधुमाळीत आता बॉलिवूड अभिनेत्रीही आपल्या वडिलांच्या प्रचारासाठी मैदानात उतरली आहे. ‘तुम बिन-2’ और ‘क्रुक’ सिनेमांमधून आपली वेगळी छाप पाडणारी अभिनेत्री नेहा शर्मा सध्या चर्चेत आहे. नेहा ही वडील अजीत शर्मा यांच्यासाठी बिहारमध्ये रोड शो करत आहे. तिच्या रोड शोला प्रचंड प्रतिसादही मिळत आहे.
अभिनेत्री नेहा शर्माने इंस्टाग्रामवर हांका, किशनगंज, कटिहार आणि पूर्णियासहित बिहारच्या वेगवेगळ्या जिल्ह्यात प्रचार करतानाचा एक व्हिडिओ शेअर केला आहे. यामध्ये ती पंजाबी ड्रेसमध्ये दिसतेय आणि वडिलांना मतदान करण्याचं आवाहन करत आहे.
View this post on Instagram
या प्रचार फेरी दरम्यान पीरपेंटी आणि कहालगावमध्ये प्रचंड गर्दीने उत्साहात नेहा शर्माचे स्वागत केले. यासंदर्भात नेहा शर्माने सोशल मीडियावर पोस्ट केली आहे. ”जो कोणी एकदा हृदयात स्थान मिळवतो तो कायमचाच हृदयात राहतो. तुम्ही मला दिलेल्या प्रेमाने आणि पाठिंब्याने माझे हृदय भरून आले आहे. पीरपेंटी आणि कहालगाव येथे माझे स्वागत केल्याबद्दल धन्यवाद”.
Bihar, Bhagalpur: Bollywood actress Neha Sharma campaigns for Congress leader and father Ajeet Sharma in the Lok Sabha elections, participates in a roadshow. pic.twitter.com/yEhb4XoQQL
— IANS (@ians_india) April 23, 2024
एका अन्य व्हिडिओत अभिनेत्री भागलपूरमध्ये आपल्या वडिलांच्या निवडणूक प्रचारासाठी सक्रिय भाग घेताना दिसली. भागलपूर लोकसभा मतदारसंघात दुसऱ्या टप्प्यात म्हणजे उद्या 26 एप्रिलला मतदान होणार आहे. या मतदारसंघात काँग्रेस उमेदवार अजीत शर्मा यांच्या विरोधात जेडीयूचे उमेदवार अजय कुमार मंडल यांच्यात मुख्य लढत आहे.