अभिनेत्री वैष्णवी धनराजवर प्राणघातक हल्ला; जखमी अवस्थेत पोहोचली पोलिस ठाण्यात

सामना ऑनलाईन
|

गुन्हेगारी विश्वावर आधारीत लोकप्रिय मालिका सीआयडी, आणि तेरे इश्क में घायल यासारख्या मालिकांचा भाग असलेली अभिनेत्री वैष्णवी धनराजचा एक व्हिडीओ सोशल मीडियावर व्हायरल होत आहे. या व्हिडीओमध्ये वैष्णवी मदतीसाठी याचना करताना दिसत आहे. तिच्या चेहऱ्यावर, व हातावर जखमांच्या खुणा दिसत आहेत.

वैष्णवीने या व्हिडीओमध्ये तिला तिच्या कुटुंबीयांनी मारहाण केल्याचे सांगितले आहे. सदर व्हिडीओ वैष्णवीने काशिमीरा पोलिस ठाण्यात केला असल्याचे ती व्हिडीओमध्ये सांगत आहे. या व्हिडीओमध्ये तिच्या चेहऱ्यावर, ओठावर तसेच हातावर झालेल्या जखमांच्या खुणा ती दाखवत आहे.

या व्हिडीओमध्ये ती ‘नमस्कार मी वैष्णवी धनराज, मला मदतीची गरज आहे. मी सध्या काशिमीरा (मीरा रोड) पोलिस ठाण्यात असून माझ्या कुटुंबीयांनी मला मारहाण केली आहे. मला तुमच्या मदतीची गरज आहे.’ मीडिया तसेच टीव्ही इंडस्ट्रीतील लोकांना तिने व्हिडीओ मार्फत आवाहन केले आहे.

संबंधित बातम्या या पब्लिशरकडून आणखी