अमेरिकेचे माजी राष्ट्राध्यक्ष डोनाल्ड ट्रम्प यांचा जगातील सर्वाधिक श्रीमंत व्यक्तींच्या यादीत समावेश झाला आहे. डोनाल्ड ट्रम्प यांची एकूण संपत्ती चार बिलियन डॉलरहून जास्त आहे. 6.5 बिलियन डॉलरच्या संपत्तीसह ट्रम्प पहिल्यांदा ब्लूमबर्ग बिलियनेयर्स इंडेक्समध्ये जगातील सर्वाधिक 500 लोकांच्या श्रीमंतांच्या यादीत सहभागी झाले आहेत. डोनाल्ड ट्रम्प यांच्यासाठी मागील दोन दिवस महत्त्वाचे ठरले. ट्रम्प यांना एका प्रकरणात 500 मिलियन डॉलरहून जास्त बॉण्ड भरायचा होता. परंतु कोर्टाने ही रक्कम 175 मिलियन डॉलर केली. तसेच सोशल मीडिया कंपनी ट्रम्प मीडिया अँड टेक्नोलॉजी ग्रुपने वर्ल्ड एक्विजिशन कॉर्पसोबत 29 महिन्यांपासून प्रलंबित विलीनीकरण प्रक्रिया पूर्ण केली. ट्रम्प पुन्हा राष्ट्राध्यक्षपदासाठी निवडणुकीत उतरणार आहेत.
