सोशल मीडियावर कधी काय व्हायरल होईल, सांगता येत नाही. देशभरात उन्हाचे चटके बसत आहेत. त्यामुळे अनेक जण घराबाहेर पडायला तयार होत नाहीत. त्यात प्रवास करायचा असेल तर आणखी उन्हाच्या झळा सोसाव्या लागतात, परंतु एका ऑटो चालकाने प्रवाशांची काळजी घेण्यासाठी आपल्या ऑटोवर थेट थंडगार गवत उगवले आहे. त्यामुळे प्रवाशांना थंडगार प्रवास होत आहे. या ऑटो चालकाचा व्हिडीओ चांगलाच व्हायरल झाला आहे. व्हायरल व्हिडीओत दिसते की, ऑटोला संपूर्णपणे पोत्याच्या गोणीने कव्हर करण्यात आले आहे. यात चारही बाजूने गवत उगवले आहे. त्यामुळे प्रवाशांची उन्हाच्या चटक्यापासून सुटका झाली आहे. या व्हिडीओला सहा लाखांहून जास्त युजर्सनी लाईक केले आहे, तसेच शेकडो लोकांनी कमेंट करून या ऑटो चालकाचे काwतुकसुद्धा केले आहे. एका युजरने लिहिले जर रस्त्यात गाय किंवा म्हैस भेटली तर काय होईल? अशा गमतीशीर कमेंट केल्या.
