हिंदुस्थानी वंशाची विद्यार्थिनी अचिंथ्य शिवलिंगम हिला अमेरिकेतील प्रिन्स्टन विद्यापीठातून अटक करण्यात आली. तिच्यावर आता शिस्तभंगाची कारवाई करण्यात येणार आहे. गाझामधील इस्रायल-हमास युद्धाविरुद्ध यूएसमधील प्रमुख विद्यापीठामध्ये सतत निषेध आंदोलन सुरू असताना हा प्रकार घडला आहे. अचिंथ्य ही मूळची तामीळनाडूतील कोईम्बतूर येथील आहे. तिच्यासोबत तिचा सहकारी हसन सय्यदलासुद्धा अटक करण्यात आली. यानंतर विद्यार्थ्यांना पॅम्पसमधून ताबडतोब प्रतिबंधित करण्यात आले आहे.
