नोकरी मिळवण्यासाठी कुणी काय शक्कल लढवेल याचा नेम नाही. अशाच एका हटके अर्जाचा फोटो सध्या ‘एक्स’ वरून व्हायरल होतोय. डेव्हिड या व्यक्तीने चक्क नोकरीसाठी अर्ज करताना बायोडेटासोबत पिझ्झा आणि हाताने लिहिलेली एक चिठ्ठीदेखील पाठवली. त्या चिठ्ठीमध्ये, डेव्हीडने त्याला इंजिनियरिंग इंटर्न या पदासाठी नोकरी करायची इच्छा असल्याचे सांगितले. तसेच हा पिझ्झा म्हणजे सीव्ही आणि कामाच्या लिंक पाहण्यासाठी दिलेली लाच असल्याने त्या चिठ्ठीत गमतीत म्हटले. डेव्हिडचे ही भन्नाट चिठ्ठी शेअर करताना अँटिमेटलच्या सीईओने ‘पिझ्झा डिलिव्हरीसह अजून एक सीव्ही आमच्याकडे आलेला आहे. याला नक्कीच मुलाखतीसाठी बोलावले जाईल’, अशी पॅप्शन दिली.
