प्रसिद्ध गायक जुबिन नौटियालने त्याच्या चाहत्यांना आश्चर्याचा धक्का दिलेला आहे. जुबिनने नुकतेच गुपचूप लग्न केल्याची बातमी आता समोर आलेली आहे. सध्याच्या घडीला बाॅलिवडूमधील लग्नसोहळे चर्चेचा विषय असताना, जुबिनने गुपचूप पद्धतीने उरकलेले लग्न आता चर्चेचा विषय बनलेले आहे. परंतु जुबिनने आपला खास दिवस अत्यंत साधेपणाने साजरा केला. मिळालेल्या माहितीनुसार, हे लग्न उत्तराखंडमध्ये पार पडले असून, या लग्नाला अगदी जवळच्या नातेवाईकांना आणि मित्रमंडळींना निमंत्रित करण्यात आले होते. ही बातमी समोर येताच, सोशल मीडियावर जुबीनची बायको कोण आहे हे जाणून घेण्यासाठी चाहते आता उत्सुक झालेले आहेत.
एनडीटीव्हीने दिलेल्या वृत्तानुसार, जुबिन नौटियालच्या लग्नाची बातमी जितक्या वेगाने व्हायरल झाली, तितकीच चर्चा त्याच्या पत्नीबद्दल सुरू झाली आहे. वृत्तानुसार, त्याने आपल्या बालपणीच्या मैत्रिणीशी लग्न केले आहे. तथापि, त्याच्या पत्नीचे नाव, व्यवसाय किंवा कोणतीही वैयक्तिक माहिती अद्याप सार्वजनिक करण्यात आलेली नाही. असे म्हटले जात आहे की जुबिन आपले वैयक्तिक आयुष्य नेहमीच खाजगी ठेवण्यास प्राधान्य देतो, त्यामुळे त्याने हे नाते प्रसिद्धीपासून दूर ठेवले होते. यावर्षी व्हॅलेंटाईन डेच्या दिवशी, त्याने आपल्या इंस्टाग्राम स्टोरीवर त्यांच्या नात्याची एक झलक शेअर केली होती, ज्यामुळे तेव्हापासून चाहत्यांमध्ये त्यांच्या नात्याबद्दल अटकळ निर्माण झाली आहे. आता, लग्नाच्या बातमीने या चर्चांना आणखी हवा दिली आहे.
जुबिन नौटियालची कारकीर्द सध्या शिखरावर आहे. ‘राता लंबिया’, ‘लूट गये’ आणि ‘तुम ही आना’ यांसारख्या सुपरहिट गाण्यांनी त्याला इंडस्ट्रीतील अव्वल गायकांमध्ये स्थान मिळवून दिले आहे. २०० हून अधिक गाण्यांना आपला आवाज देणाऱ्या जुबिनला २०११ मध्ये ‘एक्स फॅक्टर इंडिया’मुळे ओळख मिळाली. ‘सोनाली केबल’ चित्रपटातील ‘एक मुलाकत’ या गाण्याने त्याने बॉलिवूडमध्ये पदार्पण केले, त्यानंतर त्याने मागे वळून पाहिले नाही. आता त्याने आपल्या आयुष्यात एका नवीन अध्यायाला सुरुवात केली आहे, त्यामुळे चाहत्यांना आशा आहे की त्याची आगामी रोमँटिक गाणी आणखी हृदयस्पर्शी असतील. सध्या सर्वजण त्याच्या लग्नाच्या फोटोंची वाट पाहत आहेत.
