जे.जे. मार्ग व महालक्ष्मीच्या धोबीघाट परिसरात कारवाई करत अंमली पदार्थविरोधी पथकाने तीन किलो एमडीचा साठा जप्त केला. या कारवाईत चार ड्रग्ज पेडलर्सना बेडय़ा ठोकण्यात आल्या. त्यांच्याकडील सात मोबाईलदेखील जप्त करण्यात आले.
अंमली पदार्थविरोधी कक्षाच्या वांद्रे युनीटचे पथक दक्षिण मुंबईत गस्त घालत असताना त्यांना जे.जे. मार्ग परिसरात दोन पेडलर्स एमडीसह सापडले. त्या दोघांकडे अधिक चौकशी कजल्यावर त्यांनी ते एमडी धोबीघाट परिसरातून घेतल्याचे सांगितले. त्यानुसार पथकाने धोबीघाट येथे जाऊन ड्रग्ज विकणाऱया आणखी दोघांना पकडले. या चौघांकडून मिळून पोलिसांनी तीन किलो एमडी व सात मोबाईल असा सहा कोटी रुपये किमतीचा मुद्देमाल हस्तगत केला.
