जगातील श्रीमंतांच्या यादीमध्ये उद्योगपती मुकेश अंबानी यांच्या संपत्तीत मोठी वाढ झाली आहे. ते दहाव्या स्थानावर पोहोचले आहेत. अंबानी आशियातील सर्वात जास्त श्रीमंत व्यक्ती ठरले आहेत. ते पुन्हा नंबर वन बनले आहेत. उद्योगपती गौतम अदानी यांच्या संपत्तीतसुद्धा वाढ झाल्याने ते जागतिक स्तरावर 15 व्या स्थानावर पोहोचले आहेत. एचसीएलचे शिव नाडर आणि त्यांच्या कुटुंबाच्या संपत्तीत मोठी वाढ झाल्याने जगातील श्रीमंतांच्या यादीत 16 स्थानांनी झेप घेत ते 34 व्या स्थानावर पोहोचले.
हिंदुस्थानची आर्थिक राजधानी मुंबई आशियातील अब्जाधीशांची राजधानी बनली आहे. चीनची राजधानी बीजिंगला मागे टाकत मुंबईने प्रथमच हे स्थान मिळवले आहे. येथे 603 चौरस किलोमीटर परिसरात 92 अब्जाधीश राहतात.
