चांद्रयान-3 मोहिमेकडे साऱ्या जगाचं लक्ष लागलं आहे. अशावेळी चाँद्रयान मोहिमेवर खिल्ली उडवणारं ट्विट केल्याबद्दल बॉलीवूड अभिनेता प्रकाश राज यांच्याविरोधात पोलिसात तक्रार दाखल करण्यात आली आहे.
हिंदू संघटनांच्या नेत्यांनी त्यांच्याविरुद्ध बागलकोट जिल्ह्यातील बनहट्टी पोलीस ठाण्यात तक्रार दाखल केली आणि त्यांच्यावर कारवाई करण्याची मागणी केली. 20 ऑगस्ट रोजी, अभिनेत्यानं त्याच्या सोशल मीडिया अकाउंटवर बनियान आणि लुंगी घातलेल्या आणि चहा ओतणाऱ्या माणसाचे व्यंगचित्र शेअर केलं. हिंदुस्थानच्या चांद्रयान मोहिमेची थट्टा केल्याबद्दल नेटकऱ्यांनी त्यांची निंदा केली.
BREAKING NEWS:-
First picture coming from the Moon by #VikramLander Wowww #justasking pic.twitter.com/RNy7zmSp3G— Prakash Raj (@prakashraaj) August 20, 2023
प्रकाश राज हे त्यांच्या वादग्रस्त राजकीय विधानांवरून चर्चेत असतात. चांद्रयान-3 वरील त्यांनी नुकतेच केलेलं ट्विट त्यांना नव्यानं अडचणीत आणलं आहे.
20 ऑगस्ट रोजी, प्रकाश राज X (पूर्वीचे ट्विटर) वर ट्रेंड झाले, त्यांनी चहा टाकत असलेल्या माणसाचे व्यंगचित्र शेअर केले. त्यांनी पोस्टला कॅप्शन दिले, ‘विक्रमलँडरद्वारे चंद्रावरून येणारं पहिलं चित्र’.
युझर्सनी यावर टिकेची झोड उठवली. चांद्रयान -3 मोहिमेची खिल्ली उडवल्याबद्दल त्यांचा निषेध केला.