राज्य शासनाने महाराष्ट्र राज्य मागासवर्ग आयोगाकडे मराठा व खुल्या समाजातील नागरिकांचे सर्वेक्षण करण्याचे काम सोपविले आहे. त्यानुसार हे सर्वेक्षण शासकीय यंत्रणेमार्फत केले जाणार आहे. आयोगाच्या सूचनांनुसार व कोकण विभागीय आयुक्तांच्या मार्गदर्शनाखाली तालुकास्तरीय नियुक्त पर्यवेक्षक व प्रगणकांकडून 23 ते 31 जानेवारी 2024 या कालावधीत सर्वेक्षणाचे काम पूर्ण होणार आहे. या सर्वेक्षण कामकाजात नागरिकांनी सहकार्य करावे, असे आवाहन जिल्हाधिकारी एम. देवेंदर सिंह यांनी केले आहे.
सर्वेक्षण योग्य प्रकारे करण्याकरिता पूर्ण जिल्ह्यात प्रगणक- 4 हजार 155, पर्यवेक्षक- 271 म्हणून काम करणाऱ्या तसेच तहसिलदार तथा नोडल अधिकारी 9, सहाय्यक नोडल अधिकारी 9, तालुकास्तरावर नेमण्यात आलेले प्रशिक्षक 19 यांना गोखले इन्स्टिट्यूटमधील तज्ज्ञ प्रशिक्षकांकडून प्रशिक्षण देण्यात आले. जिल्हास्तरावर प्रशिक्षण घेतलेले हे प्रशिक्षक तालुक्याच्या ठिकाणी तालुकास्तरीय प्रशिक्षक, तालुक्यासाठी नियुक्त पर्यवेक्षकव प्रगणकांना प्रशिक्षण देणार आहेत.
रत्नागिरी जिल्ह्यात प्रगणक व पर्यवेक्षक असे एकूण 4 हजार 426 कर्मचारी सर्वेक्षणासाठी नियुक्त आहेत. त्यानुषंगाने व आयोगाच्या सूचनांनुसार तालुकास्तरीय नियुक्त पर्यवेक्षक व प्रगणकांकडून 23 ते 31 जानेवारी 2024 या कालावधीत सर्वेक्षणाचे काम पूर्ण होणार आहे. या सर्वेक्षण कामकाजात नागरिकांनी सहकार्य करावे, असे आवाहन जिल्हाधिकारी सिंह यांनी केले आहे.
