राजस्थानमध्ये लोकसभा निवडणुकीच्या पहिल्या टप्प्यातील 12 मतदान केंद्रांवर मतदान सुरु आहे. अशातच बीकानेरचे भाजपचे उमेदवार अर्जुन राम मेघवाल यांच्याबाबत मोठी बातमी समोर आली आहे. जिथे अर्जुनलाल मेघवाल यांच्या गाडीला वॉटर कॅम्परने भरलेल्या गाडीने धडक दिली. त्यावेळी अर्जुन राम गाडीतच होते, मात्र सुदैवाने बचावले.
मिळालेल्या माहितीनुसार, शुक्रवारी मतदान झाल्यानंतर अर्जुन राम मेघवाल शहरातील वेगवेगळ्या मतदान केंद्राची पाहणी करत होते. गंगाशहरमध्ये मतदान केल्यानंतर अर्जुनराम मेघवाल बूथवर जाऊन कार्यकर्त्यांची भेट घेत होते. यावेळी गंगा शहरातील वळणावर वॉटर कॅम्परने भरलेल्या बॉडी टॅक्सीने त्यांच्या कारला पाठीमागून धडक दिली. यावेळी अर्जुनराम मेघवाल गाडीत होते. मात्र सुदैवाने त्यांना काही झाले नाही. या अपघातात अर्जुनराम मेघवाल यांच्या कारचे मागील भागाचे नुकसान झाले आहे.
