Lok Sabha Election 2024: नाशिकमधून महायुतीचा कोणता उमेदवार लढणार अशा चर्चा सुरू आहेत. यामध्ये अजित पवार गटातील छगन भुजबळ यांचं नाव चर्चेत होतं. मात्र आता नाशिकच्या जागेवरून माघार घेत असल्याची माहिती भुजबळ यांनी पत्रकार परिषद घेत जाहीर केली आहे.
नाशिकच्या जागेचं भिजत घोंगडं अजूनही तसंच आहे, कुणी तरी ते साफ केलं पाहिजे, असं म्हणत आपण कुणावरही नाराज नाही. मात्र नाशिकमध्ये महाविकास आघाडीने उमेदवार खूप आधीच जाहीर केला. पण महायुतीचं अजून काही ठरत नाही. त्यामुळे उशीर आहे. तेव्हा कुणी तरी माघार घेतली पाहिजे, म्हणून मी माघार घेत असल्याचं छगन भुजबळ म्हणाले. महायुतीनं कुणालाही उमेदवारी द्यावी पण मी यातून माघार घेत आहे, असं त्यांनी स्पष्ट केलं.
