कर्नाटकचे मंत्री प्रियांक खरगे यांनी आज प्रसारमाध्यमांशी बोलताना देशाचे गृहमंत्री अमित शहा यांच्यावर सडकून टीका केली. ‘शहा यांना नागरिकत्व कायद्यावर बोलायला वेळ आहे पण संसदेतील सुरक्षेत झालेल्या चुकांवर बोलायला वेळ नाही. ते स्वतंत्र हिंदुस्थानचे सर्वात अकार्यक्षम गृहमंत्री आहेत, अशी टीका प्रियांक खरगे यांनी केली आहे.
#WATCH | On Union Home Minister Amit Shah’s statement on CAA, Karnataka minister Priyank Kharge says, “Amit Shah is perhaps the most incompetent Home Minister in independent India. How come he has time to comment on CAA and watch his son administer cricket matches in Ahmedabad,… pic.twitter.com/7Ld3pPdB7L
— ANI (@ANI) December 27, 2023
“अमित शहा हे कदाचित स्वतंत्र हिंदुस्थानातील सर्वात अकार्यक्षम गृहमंत्री आहेत. त्यांना नागरिकत्व कायद्यावर बोलायला वेळ आहे. अहमदाबादमधील आपल्या मुलाने आयोजित केलेले क्रिकेट सामने पाहण्याची वेळ आहे. मात्र मणिपूरवर, संसदेत झालेल्या सुरक्षेच्या चुकांवर ते बोलू इच्छित नाही. भाजपच्या ज्या खासदाराने त्या घुसखोरांना पासेस दिले त्यांना त्यांनी जाब विचारायला हवा होता. मात्र ते विषय वळवण्याचा प्रयत्न न करत आहेत, अशी टीका खरगे यांनी केली आहे.