28 मार्चला राज्यभर तिथीप्रमाणे छत्रपती शिवाजी महाराजांची जयंती साजरी झाली. अनेक ठिकाणी शिवजयंतीचे कार्यक्रम आयोजित करण्यात आले होते. मिंधे गटाचे आमदार प्रताप सरनाईक यांनी देखील मीरा भाईंदर येथे एका कार्यक्रमाचे आयोजन केले होते. मात्र या कार्यक्रमातील एक धक्कादायक व्हिडीओ समोर आला आहे. साऱ्या जगाचे राजे असलेल्या महाराजांच्या जयंतीच्या कार्यक्रमात मिंध्यांनी विचित्र गाण्यांवर महिलांना नाचवले. या महिला बारबाला असल्याचे बोलले जात आहे.
धर्माच्या नावाखाली महाराष्ट्रात उपर्यांना डोक्यावर घ्यायचे परिणाम पहा
शिवजयंतीला बारबाला नाचवल्या ते ही महाराष्ट्रात.@ekikaranmarathi कडून तक्रार दाखल.
धर्म एकच असला तरी संस्कृतीचा फरक असतो हे मराठी माणसाने लक्षात ठेवावे.
आपली संस्कृती जपा 🙏#महाराष्ट्रातमराठीच @gdeshmukh1984 pic.twitter.com/Cty8aCaEAr— निनाद सावंत (@NINADS143) March 31, 2024
या घटनेचा व्हिडीओ सोशल मीडियावर व्हायरल होत असून त्यात शिवजयंतीच्या सांस्कृतिक कार्यक्रमात एक महिला भोजपूरी गाण्यावर नाचताना दिसत आहे. सदर महिला डान्स करत असताना एक तरुण तिथे येऊन तिच्या हातात पैसे देऊन जातो. पण शिवजंयतीच्या कार्यक्रमात हे कसले फालतू प्रकार केले जात असल्याची टीका लोकांकड़ून करण्यात आली. अनेकांनी प्रताप सरनाईक यांनी माफी मागावी अशी मागणी देखील केली आहे.
