चंद्रपूर लोकसभा क्षेत्रातील एका गावातून भाजप उमेदवार सुधीर मुनगंटीवार यांचा प्रचाररथ हाकलण्यात आला आहे. गावात या प्रचाररथाने प्रवेश करताच एका गावकऱ्याने तो अडवला आणि आधी पंधरा लाख रुपये द्या, अशी मागणी केली. ‘बोगस विकास आम्हाला नको. अजित पवार, अशोक चव्हाण यांच्यासारखे घोटाळेबाज या पक्षात गेले आणि यांचा प्रचार आमच्या गावात करता का, असा प्रश्न या गावकऱ्याने केला. चारशेचा गॅस सिलिंडर बाराशेवर नेवून ठेवला. चला निघा इथून, असा दमही या गावकऱ्याने दिला. सध्या हा व्हीडिओ समाज माध्यमावर मोठा व्हायरल होत आहे. हा व्हीडिओ आर्णी तालुक्यातील खेडी (पुरुषोत्तम) येथील असल्याचे सांगितले जात आहे.
