जम्मू कश्मीरमधील पूँछ जिल्ह्यात सिंधरा भागात सुरक्षा दल व दहशतवाद्यांमध्ये झालेल्या चकमकीत 4 दहशतवादी ठार झाले आहेत. मारले गेलेले दहशतवादी हे पाकिस्तानी असल्याचे बोलले जात आहे. त्यांच्याकडून मोठ्या प्रमाणात शस्त्रसाठाही जप्त करण्यात आला आहे.
J&K | Four terrorists have been killed by the security forces in a joint operation in the Sindhara area of Poonch. The first engagement between security forces took place at around 11:30 pm yesterday after which drones were deployed along with other night surveillance equipment.…
— ANI (@ANI) July 18, 2023
सिंधरा भागात काही दहशतवादी लपले असल्याची माहिती सुरक्षा दलाला गुप्तचर यंत्रणांकडून मिळाली. त्यानंतर राष्ट्रीय रायफल्सचे जवान व जम्मू कश्मीर पोलिसांनी सोमवारी रात्री साडे अकराच्या सुमारास या भागात शोध मोहीम सुरू केली. मंगळवारी पहाटेच्या सुमारास दहशतवादी लपून बसलेल्या घराला जवानांनी वेढा घातला. त्यानंतर जवान व दहशतवाद्यांमध्ये चकमक सुरू झाली. या चकमकीत चार दहशतवाद्यांचा खात्मा करण्यात आला.
