सामाजिक कार्यकर्ते सोनम वांगचुक यांनी दिल्लीतील सफदरजंग रुग्णालयातून देशवासीयांना संदेश दिला आहे. या संदेशामार्फत 20 जुलै रोजी प्रस्तावित संसदेवरील मोर्चा यशस्वी करण्याचे आवाहन केले आहे. उपोषणादरम्यान त्यांना शनिवारी (18 जुलै) दिल्ली पोलिसांनी आंदोलनस्थळावरून ताब्यात घेतल्यानंतर रुग्णालयात दाखल करण्यात आले होते. सोनम वांगचुक यांनी हा संदेश त्यांच्या पत्नी गीतांजली आंगमो यांच्या माध्यमातून सोशल मीडियावर प्रसिद्ध केला. संदेशात त्यांनी म्हटले आहे, 20 जुलै.. दुसरी स्वातंत्र्य चळवळ… भयमुक्त भारत, अन्यायमुक्त भारत.” असा त्यांनी एक्सवर संदेश लिहीला आहे.
Message from Sonam :
20th JULY
आज़ादी का दूसरा आन्दोलन
भय मुक्त भारत, अन्याय मुक्त भारतFreedom from injustice (Like paper leaks)
Freedom from Fear (my illegal detention)India’s 2nd FREEDOM MOVEMENT
March to the Parliament
Please make it a big successSent through… pic.twitter.com/XYeUXgUxJH
— Sonam Wangchuk (@Wangchuk66) July 19, 2026
वांगचुक यांनी पुढे लिहिले, “अन्यायापासून मुक्ती, भीतीपासून मुक्ती यासाठी हिंदुस्थानची दुसरी स्वातंत्र्य चळवळ सुरू आहे. संसदेवरील मोर्चा यशस्वी करा,” असे आवाहन त्यांनी केले. पोस्टच्या शेवटी, “सफदरजंग येथील माझ्या बेकायदेशीर अटकेतून गीतांजलीमार्फत पाठवलेला संदेश,” असा उल्लेखही करण्यात आला आहे. दरम्यान, गीतांजली आंगमो यांनी दिल्ली पोलिसांवर गंभीर आरोप करत, रुग्णालयात त्यांना पतीला भेटण्यास आणि मोबाईल फोन आत नेण्यास मज्जाव करण्यात आल्याचे सांगितले.
सोनम वांगचुक सध्या सफदरजंग रुग्णालयाच्या आपत्कालीन विभागाच्या आठव्या मजल्यावर उपचार घेत असून परिसरात कडक सुरक्षा व्यवस्था तैनात करण्यात आली आहे. रविवारी (19 जुलै) सकाळी रुग्णालय प्रशासनाने प्रसिद्ध केलेल्या आरोग्य बुलेटिननुसार, त्यांची प्रकृती सध्या स्थिर आहे. मात्र, दीर्घकाळ सुरू असलेल्या उपोषणामुळे त्यांच्या शरीरावर त्याचे स्पष्ट परिणाम दिसून येत आहेत. असे वृत्त एबीपी न्यूज ने दिले आहे.
व्हीएमएमसी-सफदरजंग रुग्णालयातील डॉक्टर आणि एम्स, दिल्लीच्या तज्ज्ञांच्या सल्ल्यानुसार, सोनम वांगचुक यांना 24 तास वैद्यकीय देखरेख आणि सातत्याने उपचारांची आवश्यकता असून त्यांच्या रक्तातील विविध मापदंडांसह प्रकृतीवर सतत लक्ष ठेवले जात आहे.
