अंबरनाथ तालुक्यातील गोरपे गाव येथील गावदेवीच्या जीर्णोध्दार केलेल्या मंदिराचे लोकार्पण शिवसेना (उद्धव बाळासाहेब ठाकरे) पक्षाचे नेते, खासदार संजय राऊत यांच्या उपस्थितीत झाले. यावेळी गावकऱ्यांनी संजय राऊत यांची नेवाळी ते गोरपे गावात फटाक्यांच्या आतषबाजीत भव्य मिरवणूक काढली व जेसीबीमधून पुष्पवृष्टी करण्यात आली.
यावेळी भाजपचे कल्याण ग्रामीणचे आमदार गणपत गायकवाड यांच्या कुटुंबीयांकडून संजय राऊत यांचे जोरदार स्वागत करण्यात आले. त्यानंतर गायकवाड यांच्या पत्नी सुलभा गायकवाड या देखील मिरवणुकीत सहभागी झाल्या होत्या.
