मुख्यमंत्री एकनाथ शिंदे हे गेल्या पाच तासांपासून गायब असल्याची चर्चा सध्या राजकीय वर्तुळात रंगली आहे. मुख्यमंत्री एकनाथ शिंदे यांच्या ठाण्यातील बंगल्यावर त्यांना भेटण्यासाठी राज्यातील मंत्री दादा भुसे, उदय सामंत, हेमंत गोडसे गेले होते. मात्र दोन तीन तास उलटले तरी मुख्यमंत्र्यांच्या भेटीचे काहीच चिन्ह दिसत नव्हते. त्यामुळे वैतागून तिन्ही मंत्र्यांनी मुख्यमंत्र्यांच्या निवासस्थानावरून काढता पाय घेतला. मात्र त्यामुळे मुख्यमंत्री नेमके कुठे गेले आहेत याची चर्चा सुरू झाली आहे.
