अयोध्या येथील श्रीराम मंदिरात सोमवार, 22 जानेवारी रोजी प्रभू श्रीरामरायाच्या मूर्तीची प्रतिष्ठापना करण्यात येणार आहे. त्यानिमित्त केंद्र सरकारने आपल्या कर्मचाऱयांना अर्धा दिवस सुट्टी जाहीर केली आहे. त्या पार्श्वभूमीवर राज्य सरकारनेही 22 जानेवारी रोजी राज्यात सार्वजनिक सुट्टी आज जाहीर केली.
राज्याच्या सामान्य प्रशासन विभागाने यासंदर्भात आज अधिसूचना जारी केली. ‘श्री राम लल्ला प्राणप्रतिष्ठा दिन’ असा 22 जानेवारीचा उल्लेख या अधिसूचनेत करण्यात आला आहे. राज्यपाल रमेश बैस यांच्या आदेशानुसार ही सूचना जारी केल्याचेही त्यात नमूद आहे. सोमवारी सर्व सरकारी कार्यालये, शाळा, महाविद्यालये बंद राहणार आहेत, असे या आदेशात नमूद करण्यात आले आहे.
