बिहारमधील किशनगंज येथे एका 27 वर्षीय महिलेने एकाच वेळी पाच मुलींना जन्म दिल्याची अजब घटना घडलीय. याप्रकरणी डॉक्टरांनीदेखील आश्चर्य व्यक्त केले आहे. ताहेर बेगम ही महिला ठाकूरगंज येथील कनकपूर येथील रहिवाशी आहे. प्रसूतीच्या वेदना जाणवू लागल्यानंतर तिला इस्लामपूर येथील एका खासगी नर्सिंग होममध्ये दाखल करण्यात आले होते. मग इथे तिने एकाच वेळी पाच मुलींना जन्म दिला. एकामागून एक मुलींचा जन्म होत असल्याचे पाहून डॉक्टर आणि कर्मचारीही आश्चर्यचकित झाले. डॉक्टरांनी दिलेल्या माहितीनुसार, सुदैवाने पाचही मुली आणि त्यांची आई पूर्णपणे सुखरूप आहे.
