‘न्यूजवीक’ या आंतरराष्ट्रीय साप्ताहिकाला दिलेल्या मुलाखतीत पंतप्रधान नरेंद्र मोदी यांनी मुळमुळीत विधाने केल्याबद्दल आज काँग्रेसने मोदींना धारेवर धरले. भारतात कुणीही घुसखोरी केलेली नाही किंवा कुठलीही चौकी ताब्यात घेतलेली नाही या जून, 2020 मध्ये केलेल्या निवेदनाबद्दल 140 कोटी देशवासीयांची मोदींनी माफी मागावी, अशी मागणीही काँग्रेसने केली आहे.
मोदींना या मुलाखतीतून चीनला एक सडेतोड उत्तर देण्याची संधी होती. मात्र, जे बुळचट उत्तर दिले त्यामुळे भारतीय भूभागावर दावा सांगणाऱया चीनला आणखी जोर मिळण्याचीच शक्यता आहे, असे काँग्रेसचे सरचिटणीस जयराम रमेश यांनी एक्सवर केलेल्या पोस्टमध्ये म्हटले आहे.
