चहावाल्याचा फोटो दाखवून प्रकाश राज यांची चांद्रयान मोहिमेवर टीका

सामना ऑनलाईन
|

दाक्षिणात्य अभिनेता प्रकाश राज हे बऱ्याचदा बेधडकपणे आपली भूमिका मांडताना दिसतात. एकिकडे सगळा देश चांद्रयान 3 च्या यशस्वी लँडिंगसाठी प्रार्थना करत असताना दुसरीकडे प्रकाश राज यांनी या मोहिमेची खिल्ली उडवली आहे.

ट्विटरवर एक फोटो शेअर करून प्रकाश राज यांनी या मोहिमेवर टीका केली आहे. प्रकाश राज यांनी त्यांच्या ट्विटरवर चहावाल्याचा फोटो शेअर केला आहे. त्याच्यावर कॅप्शन देऊन चंद्रावरून पहिला फोटो #विक्रमलँडर असं लिहिलं आहे. या ट्वीटवर नेटकऱ्यांनी संमिश्र प्रतिक्रिया दिल्या आहेत. अनेक जणांनी त्यांच्या या ट्विटवर टीका केली आहे.

काही जणांनी हा देशाचा अपमान असल्याचं म्हटलं असून काहींनी त्यांना देशद्रोही आहात का असं विचारलं आहे. संपूर्ण देश चंद्रयान मोहीम सफल व्हावी म्हणून प्रार्थना करत आहे. तुमच्यासारख्या देशाच्या विरोधकांची प्रार्थना कधीच ऐकली जाणार नाही, असंही नेटकरी म्हणाले आहेत.

संबंधित बातम्या या पब्लिशरकडून आणखी