तृणमूल काँग्रेसने 6 एप्रिल रोजी NIA पथकावर झालेल्या हल्ल्यानंतर तृणमूल काँग्रेस आणि भाजप आमनेसामने आले आहेत. भाजप आणि NIA यांच्यात युती असल्याचा आरोप केला आहे. NIA ने तृणमूल काँग्रेसचे सर्व आरोप फेटाळले आहे. एनआयए आणि भाजप यांच्यात अपवित्र युती असून निवडणूक आयोग या बेबंदशाहीबद्दल मौन बाळगून असल्याचा आरोप तृणमूलचे राष्ट्रीय सरचिटणीस अभिषेक बॅनर्जी यांनी ‘एक्स’वर एका पोस्टमध्ये केला.
तृणमूल काँग्रेसने निवडणुकीपूर्वी पक्षाच्या नेत्यांना अटक करण्यासाठी NIA आणि भाजप यांच्यात ‘युती’ केल्याचा आरोप केला आहे. एनआयएने या आरोपांचे खंडन केले असून आपल्या पथकावर विनाकारण हल्ला करण्यात आल्याचे म्हटले आहे. राष्ट्रीय तपास यंत्रणेच्या पथकावर झालेल्या हल्ल्यामुळे बंगालमधील सत्ताधारी तृणमूल काँग्रेस आणि भाजपमध्ये तणाव वाढला आहे. या घटनेनंतर दोन्ही पक्षात आरोप-प्रत्यारोप करण्यात येत आहेत.
NIA ने केलेल्या कारवाईत अटक करण्यात आलेल्या तृणमूल काँग्रेसच्या नेत्याच्या पत्नीने NIA अधिकाऱ्यांविरोधात तक्रार दाखल केल्यानंतर बंगाल पोलिसांनी धाडीदरम्यान कथित विनयभंग केल्याप्रकरणी एनआयए अधिकाऱ्यांविरुद्ध एफआयआर नोंदवला आहे. NIA ने मनोब्रोतो जना आणि बैलीचरण मैती यांना 2022 च्या भूपतीनगर बॉम्बस्फोटासंदर्भात अटक केली. जानाची पत्नी मोनी जाना हिने NIA विरुद्ध तक्रार दाखल केली आणि आरोप केला की तपास करण्याच्या बहाण्याने तिच्या अधिका-यांनी तिच्या घरात जबरदस्तीने घुसून तिचा विनयभंगाचा प्रयत्न केला. शनिवारी छापा टाकताना त्यांनी तिच्या घराची तोडफोड केल्याचा आरोपही करण्यात आला आहे.
