लोकसभा निवडणुकीच्या पार्श्वभूमीवर इंडिया-महाविकास आघाडीच्या दक्षिण-मध्य मुंबई लोकसभेतील सर्व घटक पक्षांच्या पदाधिकाऱयांची बैठक गुरुवार, 18 एप्रिलला सकाळी 10 वाजता दादरच्या स्वातंत्र्यवीर सावरकर सभागृहात आयोजित करण्यात आली आहे. बैठकीला पदाधिकारी ते शाखाप्रमुख, वॉर्ड अध्यक्षांपर्यंत सर्वजण उपस्थित राहणार आहेत.
लोकसभा निवडणुकीच्या पार्श्वभूमीवर दक्षिण -मध्य मुंबई मतदारसंघातील प्रमुख पदाधिकारी दादर येथे होणाऱया बैठकीला उपस्थित राहणार आहेत. यावेळी शिवसेना नेते दिवाकर रावते, अनिल देसाई, मुंबई काँग्रेस अध्यक्षा वर्षा गायकवाड, खासदार चंद्रकांत हंडोरे, राष्ट्रवादीच्या मुंबई अध्यक्षा राखी जाधव, ‘आप’च्या मुंबई अध्यक्षा प्रीती मेनन, रिपाइं (ए) गटाचे दीपक निकाळजे, स्वाभिमानी रिपब्लिकन पक्ष, युवा रिपब्लिकन सागर संसारे, पीआरपीएमचे अध्यक्ष मिलिंद सुर्वे, शिवसेना आमदार प्रकाश फातर्पेकर, समाजवादी गणराज्य पक्षाचे आमदार कपिल पाटील, भाकपचे मुंबई सचिव मिलिंद रानडे, भाकप (मार्क्सवादी) डॉ. एस. के. रेगे, कॉम्रेड अजित पाटील, शिवसेना लोकसभा समन्वयक रवींद्र मिर्लेकर, उपनेत्या विशाखा राऊत, उपनेते सुबोध आचार्य, मिलिंद वैद्य, शिवसेना सचिव साईनाथ दुर्गे, सुप्रदा फातर्पेकर, काँग्रेसचे गणेश यादव, महापालिकेचे माजी विरोधी पक्षनेते रवी राजा, काँग्रेसचे राजन भोसले, अमित शेट्टी, वीरेंद्र उपाध्याय, हुकूमराज मेहता, शेकापचे राजू कोरडे, आपचे संदीप कटके, विभागप्रमुख महेश सावंत, प्रमोद शिंदे, विभाग संघटक श्रद्धा जाधव, पद्मावती शिंदे, राष्ट्रवादीचे आरीफ सय्यद, समाजवादी पक्षाच्या रुक्साना सिद्धिकी आदी उपस्थित राहणार आहेत.
