पाथर्डी तालुक्यात मंगळवारी वादळी वाऱ्यासह पावसाने तडाखा दिला. यामुळे तालुक्यातील फुंदे टाकळी, कोळसांगवी व पिंपळ गव्हाण या भागातील शेतकऱ्यांच्या जनावरांच्या शेडसह विजेचे खांब व झाडे निखळून पडले. तसेच या वादळी पावसाचा शेतीलाही मोठा फटका बसला आहे.
पाथर्डी तालुक्यात मंगळवारी अचानक जोराचा वादळी वारा सुटल्याने शेतकऱ्यांची धावपळ उडाली. यामध्ये शेतकऱ्यांनी जनावरांसाठी बांधलेले पत्र्याचे शेड,विजेचे खांब, झाडे उन्मळून पडली. गेल्या आठवड्यापासून तालुक्यात उन्हाची तीव्रता वाढली होती. मंगळवारी अचानक आलेल्या पावसाने आणि वादळी वाऱ्याने फंदे टाकळी शिवारात अनेक शेतकऱ्यांच्या शेतातील पत्र्याचे शेड कोसळले आह. शिवारातील विजेचे खांब, झाडे उन्मूळ पडले आहेत. परिसरातील विजेचे खांब पडल्याने विज पुरवठा खंडित झाला होता.